بطل من بلادي* ابن جيش مصر

كتب / فهمي طه

التكفيريين كانوا حاطين علي راسه خمسه مليون من كتر ماكان مبهدلهم ومربي لهم الرعب في سيناء

لو هنحكي هنحكي حكايات وبطولات عملها الشهيد خالد مغربي  الشهير بدبابه

هنقول النهايه.. لان البدايه يعلمها الصغير قبل الكبير عن بطولاته 

يوم ملحمة البرث 7/7/2017 

أخر حاجه قالها ( أنا جايلك أهه يا سباعى فى الطريق ) 

معظم الأبطال أستشهدوا باقى قلة قليلة بتقاتل و تقاوم لأخر طلقه و أخر نفس و أخر نقطة دم البطل سباعى مصاب و بينزف و بيطلب الدعم من العمليات بيرد عليه دفعته البطل الشهيد ( خالد المغربى ) الشهير بدبابه ويقول له أنا جايلك أهه يا سباعى فى الطريق تطلع هنا عربيه مفخخه تقطع الطريق تدخل فى عربية الشهيد البطل خالد المغربى يستشهد ويطير المصحف مع الموجه الإنفجاريه ينزل مفتوح على وش خالد يغطيه و كأنها رسالة ربنا و شكر لبطل أدى الرسالة و الأمانه بصدق و إخلاص .. خالد كان منقول خلاص وواخد جوابه و ماشى من سيناء و لما سمع أن اخواته بيستشهدوا قرر أنه يطلع مع الدعم فورا يلحقهم ، خالد متجوز من اربع أشهر و مراته حامل ولو ما طلعش الطلعه دى ماحدش أبدا هيتهمه بأى تقصير ولا تخاذل لأنه منقول رسمى خلاص لكن عفوا 

أنه البطل الشهيد نقيب ( خالد المغربى ) الشهير بخالد دبابه .

بطل لايهاب الموت..

.