القياده السياسية ترخي الحبل حول رقبة الكويت ليشنقوا انفسهم
بقلم أميمة هيبه
اتخذت الكويت حديثا قرار بمنع دخول رعايا ٣١ دولة من بينهم مصر بمبرر خوفها على شعبها من الكوروناطبعا حق اي دولة انها تحمي شعبها وحق الشعوب الاخري ترد بالمثل ولازم يعرفوا ان السياسة دوارة هعاملك بالمثل هتمنع همنع وخليك فاكر انك من بدأت حتي لا تندم عندما تدور عليك الدوائر او يتم استغلالك ونهبك
والاغرب ان الكويت منعت دخول رعايا ٣١ دولة ليس بينهم امريكا علي الرغم ان عدد الاصابات فيها عدى ٤ مليون وعدد الوفيات فيها قرب على ٢٠٠ الف وطبعا قلنا ولا اغرب ولا حاجه لانها سياسه والكورونا بريئة من قرارات الكويت ده غير انها امريكا التي لاتجرؤ اي بلد عربي تنفذ عليها قرارات منع دخول حتي لو الكورونا ضربت شعبها كله
وطبعا في ناس كثير رافعه دعوات من نوع لازم نرد عليهم جامد وده مش صح ولازم ننتبه لان رد فعلك محسوب في لغة السياسة بمدي حجم تأثرك بأي قرار او رد هتاخده ثم ان قطع الاحبال بسكين حاد في السياسة مش صحيح لازم نقطع بحرص ومش كله مره واحده كفاية نرخرخه لحد لما يتلف علي رقبتهم عشان يقطعوها بنفسهم واحنا بنتفرج في هدوء
والرساله هتوصل ونشوف رد الفعل لان السياسة بتقول نعمل كده لحد وقت الفرصه الصح فنستغلها ونخليها بجميلة وفرصه نعلمهم السياسه ذي ماعلمناهم القراءة والكتابه وطب وهندسه وخلافه فنكمل جميلنا ونعطيهم دروس بالسياسه
جدير بالذكر هنا ان كلنا لازم نعرف ان في انفاقية دفاع مشترك موقعه بين الكويت و تركيا في ٢٠١٨ وبناءا عليه الكويت لم تقطع علاقتها بقطر وايضا على صلة بايران يبقي الموضوع وراه قصة كبيرة ونستهدي ونرخي الحبل لحد لما يتلف علي رقابهم وتقطع لوحدها من غير مانلمسهم ونمشي وراء القياده السياسيه بتاعتنا اللي كل يوم بيزداد ثقتنا فيها ورقبتنا مرفوعه بيها عشان الحبل هيتلف قريبا على رقبتهم وبايدهم الحلوه ونبقي علمناهم وعلمنا اللي وراهم اللي حاططهم في الواجهه وبيلعب من خلف الستار ان المصريين خط احمر واسود مهبب وابيض لكل الحبايب ومحطوطين بالتساوي وكل واحد بنبعتله اللون المناسب لافعاله واهم حاجه ان بقلبهم نسر مرفرف اسمه السيسي وهيفضل مرفرف بقلوب كل المصريين المخلصين للوطن
باقي من الزمن القليل فلنصبر الي ان يلتف الحبل حول رقبتهم باحكام وحكمة القيادة السياسية ليشنقوا أنفسهم ليكون الرد رادع وقوي
تعليقات
إرسال تعليق